PUISI “TOMMUANENA MANDAR”

                           “TOMMUANENA MANDAR”

Inditia pemburu’dusanna todilaling

Matturang peppasanna tomepayung

Warris manu’ sapparayana Balanipa

Ditaji toronda’ maka toi

Disaji bassi occongannami

Inditia imassagena itarrare matindo

Tassayu nariwa sappulo sokko

Napomagia’ nakke’ appe banua kayyang

Sitinaya nasippi pitu ba’bana binanga

Makanang naparri pitu ulunna salu

Titulis didawa’ bulawang

Tuammannannungan diate pa’banua

Sumanga’na tomelo’ memben di waona lita’

Mua’ diang landur pasayu

Tiung sokko’na tira’bi gayanna

Lumbang bandera mera puti

Diong anna diwao, di kanang di kaeri

Mamberemmi panser nappang ewangan malawus

Diolona boyanna ara’ natabammaya meilolo’

Tisollor domain nasaleppang appona

Tikallar belua’na pali napurai sambayang

Natuyu peppasse’na nanaondongngi marra’etti

Anna’ ma’uwa :

                                                              

SILUMBANGAN PAI BATANGNGU’

MULI’AI PAI BAKKE’U

NASIPPI’A PAISSANGAN, BASEPA ANNA TADA MATING

MALLAPPE’ LA’LANG BUWUR

NAPARAPPI ISORAI

NABALULU AMBAL SURE’ BULAWANG

ANNA MAMBOLONG DIPARANNA SIPA’

I’DA MELO NAPARETTA TO KARA MATANNA

                                               

                                                                        By : Anonim